Bydd Cyngor Sir y Fflint yn prosesu eich data fel rhan o’n tasg gyhoeddus at ddibenion penodol asesu eich atebolrwydd am y Dreth Gyngor. Mae hyn yn ofynnol dan Ddeddf Cyllid Llywodraeth Leol 1992 a phob rheoliad perthnasol arall yn gysylltiedig ag asesu Treth y Cyngor.

Fe fyddwn yn cadw eich data drwy gydol y cyfnod rydych yn rhwymedig i dalu Treth y Cyngor ac am gyfnod o 7 mlynedd ar ôl i'ch rhwymedigaeth i dalu Treth y Cyngor ddod i ben. Efallai y byddwn yn rhannu eich gwybodaeth gyda gwasanaethau eraill y Cyngor er mwyn sicrhau bod ein cofnodion yn gywir ac wedi eu diweddaru, i wella safon y gwasanaethau rydym yn eu cynnig, a chyflawni unrhyw un o’n dyletswyddau statudol, gan gynnwys dyletswyddau gorfodi. Efallai y bydd Cyngor Sir y Fflint yn gwirio’r wybodaeth rydych wedi'i darparu, neu wybodaeth amdanoch chi y mae rhywun arall wedi’i darparu, â gwybodaeth arall sydd gennym. Mae’n bosibl y byddwn yn cael gwybodaeth amdanoch chi gan rai trydydd partïon hefyd, neu’n rhoi gwybodaeth iddynt i sicrhau bod y wybodaeth yn gywir, i atal neu ddatgelu trosedd a diogelu arian cyhoeddus.

Os ydych chi'n teimlo bod Cyngor Sir y Fflint wedi camddefnyddio eich data personol ar unrhyw adeg, gallwch wneud cwyn i'r Swyddog Diogelu Data drwy anfon e-bost at dataprotectionofficer@flintshire.gov.uk neu'r Swyddog Diogelu Data, Llywodraethu Gwybodaeth, Tŷ Dewi Sant, Ewlo CH5 3FFF. Neu, am ragor o wybodaeth am sut mae Cyngor Sir y Fflint yn prosesu data personol a'ch hawliau, gweler ein hysbysiad preifatrwydd ar ein gwefan – https://www.siryfflint.gov.uk/cy/Resident/Contact-Us/Privacy-Notice.aspx