Gwneud Cais am Ad-daliad Credyd ar eich Cyfrif Rhent

Beth yw dibenion prosesu eich gwybodaeth bersonol a phwy sy’n ei phrosesu? Mae Cyngor Sir y Fflint yn casglu’r wybodaeth hon fel rhan o’n tasg gyhoeddus at y dibennon penodol o ddarparu ad-daliad i chi o’ch cyfrif rhent dan Ddeddf Rhentu Cartrefi Cymru 2016.

Pa fath o wybodaeth sy’n cael ei chasglu?

• Manylion amdanoch chi, fel eich enw, cyfeiriad a manylion banc
• Cyfeirnod y denantiaeth
• Rhif ffôn a chyfeiriad e-bost

Gyda phwy allwn ni rannu eich gwybodaeth?

Efallai y byddwn yn rhannu eich gwybodaeth gyda gwasanaethau eraill y Cyngor er mwyn sicrhau bod ein cofnodion yn gywir ac yn gyfredol, i wella safon y gwasanaethau rydym yn eu cynnig, a chyflawni unrhyw rai o’n dyletswyddau statudol.

Efallai y bydd Cyngor Sir y Fflint yn gwirio’r wybodaeth rydych wedi'i darparu, neu wybodaeth amdanoch chi y mae rhywun arall wedi’i darparu, â gwybodaeth arall sydd gennym. Efallai y byddwn hefyd yn cael gwybodaeth amdanoch gan drydydd parti, neu’n rhoi gwybodaeth iddyn nhw er mwyn:

• sicrhau bod y wybodaeth yn gywir
• atal neu ganfod troseddau
• diogelu arian cyhoeddus.

Am ba hyd y byddwn yn cadw eich cofnodion?

Fe fyddwn yn cadw eich data drwy gydol y cyfnod rydych yn rhwymedig i dalu Rhent ac am gyfnod o 7 mlynedd ar ôl i'ch rhwymedigaeth i dalu Rhent ddod i ben.

Manylion Cyswllt y Rheolwr Data

Tîm Llywodraethu Gwybodaeth
Llywodraethu
Cyngor Sir y Fflint
Neuadd y Sir
Yr Wyddgrug
Sir y Fflint.
CH7 6NR
E-bost: dataprotectionofficer@flintshire.gov.uk

Eich hawliau a rhagor o wybodaeth

I gael rhagor o wybodaeth am sut mae Cyngor Sir y Fflint yn prosesu data personol a’ch hawliau, darllenwch ein hysbysiad preifatrwydd ar ein gwefan – https://www.siryfflint.gov.uk/cy/Resident/Contact-Us/Privacy-Notice.aspx

Os ydych o’r farn bod Cyngor Sir y Fflint wedi cam-ddefnyddio eich data personol ar unrhyw adeg, gallwch anfon cwyn at Swyddfa'r Comisiynydd Gwybodaeth drwy fynd i’w gwefan neu drwy ffonio eu llinell gymorth ar 0303 123 1113.